അരികിലെന്തേ വന്നില്ലാ?
അരികിലെത്തിയ നേരത്തോ
അപരിചിതത്വത്തിന് കൂട്ടിലും
പൊലിയുമീ ദീപത്തെ
ഇരുകൈയ്യാല് അണയാതെ കാത്തു നീ
കഥകളൊക്കെയും വെറും കഥകളാക്കി
എന് മുന്പില് നിന്നു തീര്ത്തും വ്യത്യസ്തനായ്
മറവി രോഗത്താല് മറന്നാലും
ഓര്ക്കുക നീയെന്നുള്ളിലെന്നും
ഒരു നറുതിരിവെളിച്ചമായ്
തെളിനീരായ് ചന്ദനഗന്ധമായ്
സംഗീതമായ് ചെറുകാറ്റായ്
നിറഞ്ഞിരിക്കുന്നുവെന്ന്
പിന്നീടെങ്ങോ വീണ്ടുമൊരു കൂട്ടം
മയില്പീലിയുമായ്
വടവൃക്ഷമായ് മാറി നീ ഇന്ന്
തണലിനായ് അണഞ്ഞോരു നേരത്ത്
മറക്കാനെളുതാമോ മുന്പേ പറക്കുമ്പോള്
കൂടെ കൂട്ടിയതും തളരാതെ നോക്കിയതും
കൂടെ കൂട്ടിയതും തളരാതെ നോക്കിയതും